బోనమెత్తుకోనున్న గోల్కొండ

బోనమెత్తుకోనున్న గోల్కొండ

తెలంగాణ సంస్కృతి, సాంప్రదాయాలకు ప్రతీకగా నిలిచే బోనాల జాతర నేటి నుంచి ప్రారంభం కానుంది. గోల్కొండలోని జగదాంబిక మహంకాళి ఆలయం నుంచి బోనాల జాతరను తెలంగాణ మంత్రులు తలసాని శ్రీనివాస్ యాదవ్, ఇంద్రకరణ్‌రెడ్డి, శ్రీనివాస్‌గౌడ్ ప్రారంభించనున్నారు. అమ్మవారికి రాష్ట్ర ప్రభుత్వం తరపున పట్టువస్త్రాలు సమర్పించనున్నారు.

ఉత్సవాల్లో భాగంగా లంగర్‌హౌజ్ నుంచి అమ్మవారి రథం, తొట్టెల ఊరేగింపు ప్రారంభమై గోల్కొండ కోటలోని ఆలయం వరకు కొనసాగనుంది. చోటాబజార్‌లో పూజారి అనంతచారి ఇంట్లో నుంచి నగలను తీసుకెళ్లి అమ్మవారికి అలంకరిస్తారు. ఆలయ ఛైర్మన్ గోపిరెడ్డి వసంత్‌రెడ్డి ఆధ్వర్యంలో బోనాల ఏర్పాట్లను ఘనంగా చేశారు.

బోనాల జాతరను రాష్ట్ర పండుగగా ప్రకటించిన ముఖ్యమంత్రి కేసీఆర్… ఖర్చుకు వెనకాడకుండా ఘనంగా నిర్వహిస్తున్నారని మంత్రి తలసాని శ్రీనివాస్ యాదవ్ తెలిపారు. హైదరాబాద్‌లో జరిగే బోనాల ఏర్పాట్ల కోసం అన్ని శాఖలు కలిపి 100కోట్ల వరకు ఖర్చు చేస్తున్నట్లు చెప్పారు. ప్రసిద్ధి చెందిన సికింద్రాబాద్ ఉజ్జయిని మహంకాళి అమ్మవారి బోనాలు ఈ నెల 21, 22 తేదీల్లో నిర్వహిస్తామని, దీనికి సంబంధించి 15వ తేదీలోగా ఏర్పాట్లన్నీ పూర్తి చేయాలని అధికారులను ఆదేశించారు. భక్తులకు ఎలాంటి ఇబ్బందులు కలగకుండా పటిష్ట ఏర్పాట్లు చేయాలన్నారు.

Leave a comment

Send a Comment

Your email address will not be published. Required fields are marked *